Kutchibok

Rydym wedi bod yn fisi dros y misoedd diwethaf  gyda phrosiectau nodedig gan gynnwys lansiad Caffi newydd Chapter – Caffi Sio – un o ychydig iawn o leoedd bwyta annibynnol ymhlith yr holl fwytai a chaffis cadwyn ym Mae Caerdydd sy’n cynnig cynnyrch tymhorol lleol o’r ansawdd gorau, yn ogystal â blas o raglen artistig unigryw y ganolfan. (Cliciwch yma)

Fe wnaethom greu brand newydd hefyd a lansio ‘The Brass Beetle’ – Ychwanegiad diweddaraf Caerdydd i’r golygfa fwyd sy’n cynnig pizzas blasus a Coctels. (Cliciwch yma)

Y ddau brosiect i’w llwytho i fyny yn fuan!!

Rydym wrth ein bodd i gyhoeddu bod ein gwaith dylunio ar gyfer cwmni ‘Romani Arts’ wedi ennill gwobr aur fel rhan o gystadleuaeth Gwobrau Creadigol Roses

Gweler heddiw lansiad ein gwefan newydd ar gyfer Gwlad y Chwedlau prosiect  a ddadblygwyd gan Llenyddiaeth Cymru, yn cael ei ariannu gan Visit Wales,  sydd yn arddangos y gorau o lenyddiaeth, chwedlau a mytholeg Cymru, yn yr union  llefydd a’u creodd a’u hysbrydolodd nhw. Gwaith ffrwyth sawl mis o gydweithio gyda Llenyddiaeth Cymru a’r arlunydd talentog Pete Fowler – a adnabyddir orau am gloriau albwm eiconig y Super Furry Animals.

Mae Gwlad y Chwedlau yn eich tywys ar siwrnai  hudolus at galon ein hunaniaeth, y chwedlau a’r cymeriadau sydd wedi ein creu. Straeon am forladron, gwrthryfelwyr, smyglwyr a chariadon trist – yn ogystal a chysylltiadau Cymru a rhai o hoff lyfrau’r byd  – mae rhain i gyd yn dod at ei gilydd mewn un man, ar lein, am y tro cyntaf, diolch i  prosiect ar y cyd yn cael ei arwain gan Llenyddiaeth Cymru

Fel y prif bartner creadigol ,  ni oedd yn gyfrifol am y brand newydd, dyluniad ac adeiladwaith y wefan, yn arwain ymwelwyr ar daith chwedloniaeth ryngweithiol trwy Gymru. Nawr gall bawb sy’n caru llyfrau ac sy’n ymweld a Chymru drefnu taith wedi ei seilio ar eu hoff lyfrau a chwedlau. Roeddem wrth ein bodd cael cydweithio gyda Pete Fowler, sydd wedi creu cyfres o luniau atgofus ar gyfer pob thema a map sydd ar gael ar y wefan.

Mae ein gwaith ar gyfer ‘Family Lines-Family Trails’ wedi cyrraedd rhestr fer Gwobr Dylunio Y Drum!! Cyhoeddir yr enillwyr mewn seremoni tei-du ar Fehefin 8fed 2017  yn stadiwm yr Emirates yn Llundain …….croesi bysedd.

Falch o gyhoeddi bod ein gwaith ar gyfer ‘Family Lines-Family Trails’ ar y rhestr fer ar gyfer Gwobr Greadigol Roses!!

Braf gweld ein gwaith ar gyfer Migrations – darparwr dawns a pherfformiadau  cyfoes, rhyngwladol  yng Nghymru, yn cael ei arddangos ar wefan ryngwladol Form Fifty Five

Helo a chroeso i’n gwefan newydd. Mewn amser ry’n ni’n gobeithio llenwi’r blog yma gyda’n prosiectau newydd, newyddion, a diwylliant stiwdio. Diolch am ddarllen.